Hay’adda Lacagta Adduunka ee magaceeda losoo gaabiyo (IMF) ayaa ku dhawaaqday in dalka Mozambique lagaarsiin doona gargaar lacageed oo degdegga ah, kaasi oo gaaraya $ 309 Milyan si ay ugu kaashadaan la dagaallanka cudurka COVID 19.
War kasoo baxay Hay’adda Lacagta Adduunka (IMF) ayaa lagu sheegay in xanuunkan uu saameyn weyn ku yeelan karo dhaqaalaha dalka Mozambique, si taasi loga hortagana ay u qorsheyeen lacagahaan dhawaana ay gaarsiin doonaan, lacagahaan ayay sheegtay IMF in lagu taageeri doono adeegyadda Caafimaadka.
Sidokale IMF ayaa sheegtay in dalkaasi uu horay ula daaladhacayay Musiibooyin dabiici oo ka dhalatay labo duufaan oo ku dhufatay intii lagu guda jiray sanadkii tagay eee 2019-ka.
Sida la xaqiijiyay dalka Mozambique 65 Xaaladood oo Corona Virus ah ayaa laga helay , ilaa iyo hadda ma jirto wax dhimasho ah, waxaana Cudurka ka bogsaday 12 ruux sidda ay sheegtay Wasaaradda Caafimaadka dalkaasi.
