Ra’iisul wasaaraha xukuumadda federaalka Soomaaliya mudane Xasan Cali Khayre ayaa hoyga uu ka degganyahay magaalada Dhuusamareeb waxaa uu xalay kula kulmay Madaxweynayaasha dowladaha xubnaha ka ah federaalka.
Kulankaan ayaa imaanaya iyadoo Ra’iisul wasaare Xasan Cali Khayre uu gelinkii dambe ee shalay gaaray magaalada Dhuusamareeb oo maalmihii lasoo dhaafay shir wadatashi ah uu uga socday Madaxda dowlad goboleedyada kaas oo wajigiisa koowaad lasoo gabagabeeyay, waxaana la filayaa in dhawaan wijiga labaad ee shirka oo ay ka qeyb gelayaan Madaxda ugu sareysa dalka uu ka furmo magaaalada Dhuusamareeb.
