Ku simaha madaxweynaha ahna madaxweyne ku xigeenka dowlad goboleedka Galmudug Mudane Cali Daahir Ciid ayaa kormeer indha-indheyn ah ku tegay Dhismaha xurunta madaxtooyada ee cusub iyo afar Wasaaradood oo Dhismahoodu ka socdo caasimada Galmudug ee Dhuusomareb.
Kormeerka Madaxweyne ku xigeenka waxaa ku wehlinayey wasiiro ka tirsan Xukuumadda iyo maamulka Caasimada.
Ku simaha madaxweynaya ayaa warbixin ka dhageystay Injineerada gacanta ku haya dhismaha xarumaha madaxtooyada iyo wasaaradda howlaha guud iyo Dib-u-dhiska, ayaa warbixin ka siiyay shaqada socota iyagoo sheegay in bisha September sanadkan 2020 ay dhammaandoonaan.
Ugu danbayntii, Madaxweyne Ku xigeenka ahna ku simaha Madaxweynaha Galmudug Cali Daahir Ciid ayaa u mahad celiyay Shirkadaha iyo wasaaradda Howlaha guud ee gacanta ku haya dhismaha xarumahaan.
Madaxweynaha Galmudug Axmed Cabdi Kaariye (Qoor-Qoor) ayaa tobonkii bishii sedexaad ee bilaawgii sanadkaan 2020 mar uu daah furayay macruuca horumarinta Galmudug waxaa uu dhagax dhigay dhismayaasha xarunta Madaxtooyada,wasaaraddaha Amniga,Maaliyadda ,Arrimaha gudaha iyo qorsheynta oo dhammaan ay gacan ka qeysaneyso Hay’adda SSF.
