Wasiir ku-xigeenka Wasaaradda Gargaarka iyo Maareynta Musiibooyinka Xukuumadda Soomaaliya Mudane Cabdirashiid Maxamuud Xasan iyo wafdi uu hoggaaminayo ayaa maanta gaaray magaalada Garoowe ee xarunta dowlad goboleedka Puntland, halkaasi oo ay ku soo dhaweeyeen mas’uuliyiin ka tirsan maamulka Puntland.
Wasiir ku-xigeenka Gargaarka oo la hadlay Wakaaladda Wararka SONNA ayaa sheegay in ujeedka safarkoodi Garowe uu yahay sidii halkaasi ay u gaarsiin lahaayeen qalab loogu talagalay xarunta ka digista halis wadareedka ee Puntland.
“Waxaan magaalada Garowe geyneynaa qalab xafiiseed loogu talagalay xarunta ka digista halis wadareedka ee Puntland, sidoo kale waxaan geeyneynaa dhamaan dowlad goboleedyada oo ay ugu talagashey dowladda Federaalka Soomaaliya”. ayuu yiri Wasiir Cabdirashiid.
Marka laga soo tago magaalada Garowe oo maanta la geeyay qalabkaasi,sdoo kale waxaa lafilayaa in wasaaradda gar gaarka iyo maareynta musiibooyinka dowladda Soomaaliya ay deegaanada kale ee dowlad goboleedyada ay gaarsiiso qalabka noocaan ah,si loogu isticmaalo adeegyada ka digista halis wadareedyada.
Qalabkan ayaa ahmiyad gaar ah leh adeegsigiisa,wuxuuna sahlaya in si fudud loo ogaado hadba xaaladsaha isbedelka cimilada iyo dabey laha iyo duufaanada dhaca inta badan.
