Taliyaha Qaybta Guud ee Booliiska Galmudug Sareeye Guuto Bishaar Abshir Geedi ayaa daahfuray dhismaha saldhigga Booliiska Dhusamareb oo lagu dhisayo is-xilqaan waxa uuna ku yaboohay Lacagtii ugu horaysay Ciidamada Booliiska ayaa Saaka Subaxnimadii hore Saldhigga ka sameeyey howlo nadaafadeed oo qayb ka ah dhismaha.
Dhinaca kale taliyaha ayaa bulshada Soomaaliyeed ugu baaqay inay ka qaybqaataan howshan oo ah iskaa wax u qabso waxa uuna xusay in la dhisi doono ilaa shan Qol oo Xafiisyo ku jiraan iyo meelo maxaabiista lagu xiro.
Taliska Booliiska Qaybta Galmudug ayaa ku dadaalaya sidii dib u dayactir iyo Qaabayn loogu samayn lahaa Taliyaha iyo Rugaha Ciidamada Booliiska ahi ka Howlgalaan waxaana la kordhiyey shaqooyinka Booliiska kuwaas oo saacad waliba ku jira heegan buuxa.
