Guddiga gurmadka fatahaadda Beladweyne ayaa wada dadaallo ay ugu jiraan sidii looga hortagi lahaa fatahaad uu webiga Shabeelle ka geysto magaalada.
Sawiradii ugu dambeeyay ee laga qaaday goobaha ay biyo xireenada ka sameeyeen ayaa ka muuqato in lagu guuleystay in lagu celiyo goobaha ay biyaha ka soo jabsan jireen kahor inta aysan magaalada ku fatahmin, halkaasi oo ay ka qodeen meelo biyaha lagu celiyo.
Wariye Cabdishakuur Cismaan Cali oo ka mid ah Wariyeyaasha Warbaahinta Qaranka ee ka howlgalla Beladweyne ayaa ku soo waramay in uu weli socda dadaallo intaa ka badan oo biyaha loogaga hortagayo inay soo jabsadaan.
