Maxamed Xuseen Rooble Ra’iisul wasaaraha dalka ayaa golaha shacabka uga mahadceliyay codka kalsoonida ah oo ay mudanayaashu siiyeen si uu u soo dhiso xukumad tayo leh oo soo dalka ka saarta marxalada kala guurka ah.
sidoo kale waxa uu u mahadceliyay madaxweynaha soo xulashadii uu usoo xushay in uu noqdo wasiirka koowaad ee xukumadda federaalka Soomaaliya.
Ra’iisul wasaaraha dalka Maxamed Xuseen Rooble ayaa golaha shacabka iyo Guddoonkooda ka codsaday in ay meelmariyaan xukumadda uu soo dhisi doono maadama wakhtigu uu yar yahay.
