Kulan wadatashi oo ku saabsanaa abuurista Xarun Macluumaad (Resource Centre) ee Arrimaha Dhab u heshiinta iyo Federaalka ayaa maanta magaalada Muqdusho lagu soo gaba gabeeyay.
Kulankaan oo ay soo qaban qaabisay Wasaaradda Arrimaha Gudaha, Federaalka iyo Dib u heshiisiinta Soomaaliya ayaa waxaa ka qaybgalay khubaro ku xeel dheer Arrimaha Nabadda iyo Dowladnimada, mas’uuliyiin ka socda Ururada bulshada rayid mas’uuliyiin kasocda hey’ada UNDP.
Sidokale Agaasimayaasha guud ee Wasaaradaha Arrimaha Gudaha Dowlad Gobaleedyada Dalka ayaa kaga qaybgalay kulanka Aalada Fogaan araga (Internet).
Kulankaan oo socday mudo laba maalmood ah ayaa lagu gorfeeyay sida ugu haboon ee lagu Abuuri karo xarun lagu kaydiyo laguna fidiyo aqoonta iyo macluumaadka la xiriira arrimaha Nabadda, Dhab-u-heshiinta iyo Federaalka.
