Shaqaalaha Wasaaradda Caafimaadka ayaa xalay iskood u sameeystay xaflad loogu dabaaldagayo soo noqoshada Wasiirka magacaaban ee Wasaaradda Cafimaadka iyo Daryeelka Bulshada Dr Fawziya Abiikar Nuur.
Xafladda ayaa u dhacday si wanaagsan oo damashaad iyo farxad ah, waxaana khudbado kookooban ka jeediyay Agaasimayasha iyo qaar ka mid ah shaqaalaha.
Dhinaca kale shaqaalaha ayaa hadiyado guddoonsiiyay Wasiirka magacaaban ee caafimaadka, kaasi oo ku adanaa dulqaadkii Wasiir Fawziya ee muddadii saddexda sano ahayd ee ay u adeegtay shacabka iyo waliba dadaalkii adkaa ee badbaadinta shacabka xilgii caabuqa faafa ee COVID-19 uu dhibaatada aadka u badan keenay.
Dr Fawziya Abiikar Nuur ayaa balanqaday inay shacabkeeda ugu adeegi doonto daacadnimo iyo hufnaan. . “Haddii aan u wada shaqeyno sidii aan gacmaha isu qabsanay xiliyaddii adkaa ee nasoo maray, waxaa gaari doona hadafka aan leenahay”. Ayay tiri Wasiir Fawziya.
