Kooxo Burcad Koonfur Afrikaan ah ayaa saqdii dhexe ee xalay waxay muwadin Soomaaliyeed ku dileen dalkaasi, kaasi oo ganacsi ahaan u tagay dalkaas.
Muwaadinka Soomaaliyeed oo lagu magacaabi jiray Cabdi Jimcaale ayaa waxaa ay ku dileen xaafada Elsis oo Ka tirsan magaalada Cape Town ee dalkaasi Koonfur Afrika, islamarkiibana burcaddii goobta ayay ka baxsadeen.
Ciidamo ka tirsan Booliska Koonfur Afrika ayaa gaaray halka dilka uu ka dhacay, iyada oo aysan u suurtagelin inay gacanta ku soo dhigaan dadkii ka dambeeyay dilka muwaadinka Soomaaliyeed.
Weerarrada lagu waxyeellaynayo dadka Soomaaliyeed ayaa todobaadyadii la soo dhaafay waxaa ay ku soo bateen gudaha dalka Koonfur Afrika, waxaana habeen ka hor weerar torreey loo adeegsaday lagu dhaawacay wiil dhallinyara ah oo Soomaaliyeed oo lagu magacaabo Xasan Cumar Jaliil.
Dhibaataynta lagu hayo dadka Soomaaliyeed ee ku nool Koonfur Afrika ayaa muddo dheer soo socotay,ilaa iyo haddana ma jiro xal loo helay sidii lagu badbaadin lahaa nafta iyo maalka dadka Soomaaliyeed ee ku dhaqan dalkaasi.
