Maxkamadda ciidamada qalabka sida ayaa maanta xukun dil ah ku ridday Cumar Aadan Xuseen oo lagu heley in uu dilay allah u naxariistee Abuukar Saalax Xareed, dilkaas oo ka dhacay degmada Beled Xaawo ee gobolka Gedo shantii bishii Maay sanadkii hore, sida uu maanta ku dhawaaqay guddoomiye Xasan Cali Nuur Shuute.
Cumar Aadan waa dable ka tirsan ciidanka xoogga dalka Soomaaliyeed kaas oo maxkamaddu ku heshay dambiga dilka ah.
Related posts
Xeer ilaalinta maxkamadda ciidamada ayaa bilowday baaritaanka kiiska 23 August 2020, iyadoo markii ugu horeysay dhageysiga maxkamadeyntiisa loo fadhiistay todobadii bishii October 2020.
Xeer ilaaliye ku xigeenka maxkamamada ciidamada, Muumin Xuseen Cabdulaahi, oo gacanta ku hayay gal dacwadeedkiisa ayaa maxkamadda ka codsaday in dil toogasho ah oo qisaastii qofkii uu dilay ah lagu xukumo si uu u dhadhamiyo caddaaladda.
Maanta ayaa ugu dambeyn guddoomiyaha maxkamadda ciidamada qalabka sida, gaashaanle sare Xasan Cali Nuur Shuute ku dhawaaqay xukunkiis ah oo ah dil toogasho ah oo loogu qisaasayo qofkii uu dilay.
Edited:- Abdulkadir Isse
