Suudaan waxay ka digtay abaabulka hal dhinac ah ee Itoobiya wado kaasi oo ay ku samaysanayso biyo xireenka Renaissance Dam ee wabiga Niil, waxayna Suudaan ugu baaqday Qaramada Midoobay, Midowga Africa iyo iyo Mareykanka inay dhex-dhexaadiyaan khilaafaadka taagan ee ka dhashay isticmaalka biyaha wabiga ee biyo xireenka Ethiopia.
Wasiirka Arrimaha Dibadda ee Suudaanย Maryam Al-Sadiiq Al-Mahdiย ayaa ugu baaqday Midowga Afrika in ay qaadaan tallaabooyin la taaban karo oo lagu xallinayo khilaafka ka taagan Biyo-xireenka Renaissance ee ay wado Dawladda Ethiopia, ka hor inta uusan khilaafku gaarin meel adag.
Related posts
Maryam Al-Mahdiย ayaa waxay sidoo kale magaalada Kharthoum kula kulantay safiirka midowga afrika u fadhiya Suudaanย Mohamed Belaysh, ย iyadoo u sheegtay Ethiopia ay ku fashilantay in ay u hogaansanaato sidii loo gaari lahaa heshiis ku saabsan sidii dalalka ku teedsan wabiga ay ka heshiiyaan qaabka loo isticmaalayo biyaha wabiga.
Suudaan waxay sheegtay in dhismaha biyo xireenka wabiga Niil ee Ethiopia ay tahay arrin khatar gelineysaa malaayiin shacabka reer Suudaan ah, iyadoo ka digtay in tallaabada ay noqon karto mid lagala kulmi doono cawaaqib xumo aan wax laga qaban karin mustaqbalka.
Raiisel wasaaraha Suudaanย Abdullah Hamdokย ayaa goor hore waraaqo rasmi ah u diray Xoghayaha Guud ee Qaramada Midoobay,ย Midowga Yurub Wasaaradda Arimaha Dibada ee Maraykanka iyo midowga Africa isagoo u caddeeyey in Suudaan aysan aqbalayn tallaabada halka dhinac ah ee aan laga wada tashan ee ay qaaday Ethiopia.
Ra’iisal Wasaare Xamduuk ayaa sidoo kale warqadaha uu gudbiyay ku sheegay kuna baaqey muhiimadda ay leedahay in dhinacyadaas ay dhexdhexaadin iyo wadaxaajood kadhex sameeyaan arrinta biyo xireenka Renaissance.
