Munaasabad ballaaran oo logu maamuusayay qalin jabinta arday oo dhamaysatay waxbarashada heerka labaad ee tacliinta sare ee Jaamacadda Clarke International University ayaa maanta lagu qabtay gudaha jaamacadda Clarke ee Caasimadda Kampala.
Xafladdan ayaa waxaa kasoo qeyb galay marti sharaf kala duwan oo ay kamid ahaayeen Mas’uuliyiinta dowladda Uganda gaar ahaan Wasaaradda hiddaha iyo tacliinta sare Uganda, bahda waxbarashada, waalidiinta ardayda iyo masuuliyiinta Jaamacadda Clarke.
Qaar ka mid ah masuuliyiintii ka qeyb galay Munaasabadda ayaa u hambalyeeyey ardayda maanta ka qalin jabisay Jaamacadda Clarke.
Ugu horeyn Gudoomiyaha Jaamacadda Clarke oo ka hadlay Munaasabada ayaa hambalyada farxadda qalin badalashada ardayda la wadaagay isagoo sheegay in ardayda qalin jabisay ay ka kooban yihiin 320 arday oo iskugu jira Soomaali, Ugandans , South Sudan, iyo Sudan.
Sido kale Gudoomiyaha ayaa sheegay in ardaydan maanta dhameystay darajada labaad ee jaamacadda ay ahaayeen arday la yamid dadaal dheeri ah inta ay ku gudajireen Waxbarashadooda, gudoomiyaha ayaa sido kale ardayda u rajeyay in ay noqdaan kuwo cilmigooda ku intafaaca.
Qaar kamid ah arday maanta xafladooda qalin jabinta loo dabaal dagayey oo la hadlay Warbaahinta Qaranka ayaa dhankooda muujiyey dareenkooda farxadeed ee ku aadan in ay shahaadada heerka labaad ee master digriiga ka qaataan Jaamacadda Clarke International University iyaga oo u mahadceliyey waalidiintooda iyo macalimiintoodii u soo dhabar adeygay mudadii ay waxbarashada soo wadeen.
