Wasiirka wasaaradda maaliyadda ahna guddoomiyaha guddiga dibu-habaynta Ciidamada Puntland Xasan Shire Cabdi(Abgaal) iyo wafti uu hogaaminayo ayaa xerada Abqaale ee degmada Xarfo tababar ugu soo xiray cutubyo katirsan Ciidamada Puntland oo uu halkaasi Mudo uga socday tababar iyo dib u habayn wada jira .
Wasiirka amniga Puntland Cabdisamad Maxamed Gallan iyo taliyaha Ciidamada Daraawiishta Puntland Gen Yaasiin Cumar Dheere ayaa qayb ka ahaa madaxda tababarka u soo xirayay dufcaddii ugu horraysay ee ka baxda dugsiga Abqaale, iyadoona loo bixiyey Guutada Gama’diid.
Wasiir Xasan ayaa ka hadley sida ay dawlad goboleedka Puntland uga go’an tahay dib u dhiska iyo dib u habaynta ciidamadda, wuxuuna sheegay in mar kasta ay ahmiyad wayn siinayaan bixinta mushahaarka iyo xuquuqda ay ciidamaddu ku leeyihiin Puntland
Taliyaha ciidanka Daraawiishta Puntland iyo Wasiirka wasaradda Amniga ayaa dhankooda bogaadin u jediyay ciidamada kala duwan ee tababarku u soo dhammaaday.
Waxay noqonayaan Dufcadii 7-aad ee ka tirsan ciidamada Puntland oo loo sameeyo tababar iyo Dib u habayn wada jira iyagoona Mara nidaamka diiwaan galinta casriga ah ee Bio Metrica.
