Xildhibaano ka kala tirsan Golaha Shacabka Soomaaliya iyo kuwa Galmudug ayaa gaaray deegaano dhanka waqooyi ka xiga Magaalada Dhusamareb waxa ayna u kuur galayeen xaalada ay ku nool yihiin dadkii bilo ka hor ka soo barakacay dagaaladii Deegaanka Xananbuure waxaana ku wehlinayey maamulka Magaalada Dhusamareb iyo xubno ka tirsan guddiga nabadaynta.
Dadkan oo ku nool xaalad adag ayaa ka warbixiyey duruufaha adag ee ay wajahayaan maadaaba deegaankii ay daganaayeen Colaadi ka soo barakicisay waxa hadana ay ku sugan yihii Kaam lagu magacaabo Nugul una dhexeeya Dhusamareb iyo Xananbuure waxa ayna codsadeen in la soo caawiyo.
Related posts
Gudoomiyaha magaalada Dhusamareb Macalin C/raxmaan Cali Maxamed Geeda-qorow ayaa ku baaqay in dadkan dhibaataysan la soo caawiyo maadaama ay Mudo ka soo maqnaayeen Guryahoodii oo ay uga soo barakaceen colaad awgeed.
Xildhibaan C/xakiin Macalin Axmed oo ka tirsan Baarlamaanka Soomaaliya ayaa xusan in dadkani duruufi ku qasabtay inay kaam galaan ayna u baahan yihiin gurmad in loo sameeyo.
Deegaanka Xananbuure ayaa dadkii daganaa waxaa saameeyey dagaaladii billo ka hor ka dhacay walina waxa ay ku sugan yihiin meelihii ay gabaadsadeen waxaana socanaya xal u u helida colaadii ay kasoo barakaceen.
