Tartan cilmiyeedka bisha Ramadaan oo galay sanadkii 11-aad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankiisaย 9aadย ee wareegga koowaad ku tartamay Degmooyinka Yaaqshiid Vs Jowhar ย oo ka kala tirsan Gobollada Banaadir iyo Shabeelaha Dhexe, waxaana barnaamijka sanadkan taabagelinaya Bangigaย IBS.
Tartameyaasha labada degmo eeย Yaaqshiid ย Vsย Jowharย ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanku socday.
Yaaqshiid
Tartameyaasha Degmada Yaaqshiid ee Gobolka Banaadir waxaa la weydiiyey todobo Suโaal, todobadii suโaal ee la weydiiyay waxa ay ka jawaabeen Afar ย suโaal, halka ay iska qaldeenย Saddex ย suโaal, waxa ay ka faaโiideysteen Labo suโaal oo soo hareermartay tartamayaasha Jowhar, sidaa darteed wadarta guud ee dhibcaha tartameyaasha Degmada Yaaqshiidย ay heleen waxay noqotay Toban iyo laboย (12) dhibcood.
Jowhar
Tartamayaasha Degmada Jowhar ee Gobolka Shabeelaha Dhexe waxaa dhankooda la weydiiyay todobo suโaal, waxa ay ka jawaabeen labo suโaal oo kaliya, waxa ay iska qaldeen shan suโaal, Ma jirin wax ka faaโiideysi ah oo ay heleen, sidaasi darteed wadarta guud ee dhibcaha ay heleen tartameyaasha Degmada Jowhar waxay noqotay Afar (4) dhibcood.
Yaxye Cali Faarax oo ka mid ah guddiga tartanka ayaa sheegay in tartamayaasha Degmada Jowhar ay caawa ku kaceen fal anshax xumo ah oo hareer marsan sharciga tartanka u yaalo, sidaa darteed Guddiga anshaxa ee tartan Cilmiyeedka Warbaahinta Qaranka laga sugayo inay tallaabo ka qaadaan tartamayaasha Degmada Jowhar.
Hadaba kulankiiย 9aadย ee tartan Cilmiyeedka bisha Ramadaan ee Warbaahinta Qaranka caawa waxaa wareegga xiga u soo gudbay tartamayaasha Degmadaย Yaaqshiid ee gobolka Banaadir.
Habeen dambe oo ah habeenkaย 10aadย ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinkaย Samareebย iyo ย Howlwadaag oo ka kala tirsan Gobollada Galgaduud iyo Banaadir.
Sawir qaade:- Khadar Cali Nuur
