Allaha u naxariistee taliye ku xigeenkii qeybta guud ee booliska gobolka Banaadir, Col Axmad Waawayne ayaa ugu geeriyooday Isbitaalka Digfeer dhaawac ka soo gaaray weerar argagixisanimo ee 9-kii bishan lagu qaaday Saldhiga booliska Waaberi ee gobolka Banaadir.
Weerarkaas oo ahaa is-miidaamin waxaa horay ugu dhintay laba sarkaal, iyadoo sarkaalka caawa geeriyooday uu noqonayo kii 3-aad ee ugu darajadda sareeyay.
Afhayeenka Booliska Sadiiq Doodishe ayaa Radio Muqdisho u xaqiijiyay geeridda Allaha u naxariistee Col Axmad Waawayne.
Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Jen. Mukhtaar Xuseen Afrax ayaa tacsi tiiraanyo leh u diray, qoyska, caruurta, ehallada, Ciidanka Booliska Soomaaliyeed iyo Guud ahaan Ummadda Soomaaliyeed ee uu ka baxay Alle ha u naxariistee Taliye Xigeenkii Qaybta Guud ee Booliska Gobolka Banaadir Gaanshaanle Sare Axmed Cabdi Wehliye
Ugu dambayn, Wasiir Mukhtaar ayaa Alla uga baryay in Marxuum Axmed uuย Jannadii Fardowsoย ka waraabiyo, samir iyo iimaanna uu Alle ka siiyo Ummadda Soomaaliyeed ee uu ka baxay Marxuumka.
