Diyaarada siddey rakaab dalxiisayaal u badan oo ka soo duushay magaalada Athens ee dalka Giriiga una socotay Dalka Lithuania ayaa si qasab ah loogu dejiyey magaalada Minsk ee dalka Belarus.
Diyaarada ayaa markii ay hawada Belarus mareysay la dhinac dhigay laba diyaaradood oo kuwa dagaalka ah, loona sheegay in diyaarada bam ku xiranyahay oo ay qasab tahay in la dajiyo diyaarada si loo badbaadsho rakaabka.
Related posts
Roman Protasevich oo ahaa wariye dibad joog ka ahaa wadankaas Belarus sanado badan ayaa hadiiba lagala haray rakaabkii xabsigana loo taxaabay, waxaana rakaabkii iyo duuliyeyaashiina loo sheegay in laga waayey bomkii loo maleynayey in uu ku xiranyahay diyaaradda.
Belarus oo ah dalka kaliya ee uu ku haray xukunka dilka ah ayaa laga yaabaa in ay wariyahaas ku xakumi doonaan dil toogasho ah.
Hogaamiyaha mucaaradka ee Belarus ayaa sheegay in laga bilaabo dhacdadan aaney cidina isku aamini doonin in ay ku duusho hawada Belarus.
Wariyaha ayaa sheegay in markii uu ka soo duulayey caasimada giriiga uu nin dheer oo daโ dhexaada bidaarna leh uu isku dayey in uu duubto baasaboorkeyga oo markaas ii furnaa, balse waan ka jeestay oo kana dhaqaaqay.
Dowladda Lithuania oo ay diyaaraddu u socotay ayaa falkaasi ku tilmaamay mid gaf ah oo ka baxsan qawaaniinta caalamig ah
