Senator Ilyaas Cali Xasan oo ka mid ah Xildhibaannada Golaha Aqalka Sare ayaa bogaadiyay dadaallada Ra’iisul Wasaare Rooble ee ku aadan shirka Golaha Wadatshiga Qaran oo maanta galay maalintii saddexaad, isla markaana uu tilmaamay in wadar ogol waxkasta lagu dhameyn karo, taasi oo ah hanaanka lagu gaari garo doorasho xor iyo xalaal ah.
“Isfaham, Isqancin iyo wadar-ogol waa wadada keliya ee aan kugaari karno Doorasho lagu kalsoonaan karo oo dalkeena kadhacda, Ra’iisul Wasaare Rooble sida uu wax kuwado waxaan urajeynayaa Guul”.ayuu yiri Senator Ilyaas.
Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble oo guddoomiyay Shirka Wadatashiga Qaran ee doorashooyinka oo galay maalintiisii saddexaad ayaa Madaxda waxa ay bilaabeen ka doodista qodobbada turxaan bixinta u baahan ee arrimaha doorashooyinka, waxaana laga sameeyay horumar wanaagsan. Iyadoo ay sii socon doonto maalinta beri ah falanqeynta ajandayaasha horyaala shirka.
