Wasaaradda arrimaha dibadda Itoobiya ayaa sheegtay in ay tahay wax laga xumaado cunaqabateyntii uu Mareykanku ku soo rogay saraaakiil iyo kaalmaha dhaqaale ee amniga la xiriira ee la siiyo Itoobiya.
Wasaaradda ayaa intaas ku dartay in dowladda Mareykanku sii saareyso Itoobiya cadaadis aan loo baahneyn, waxayna caddeysay inaysan aqbali doonin in fara gelin lagu sameeyo arrimaha gudaha ee Itoobiya.
“Go’aanka cunaqabateyntu wuxuu dirayaa baaq khaldan, iyadoo ay Itoobiya isu diyaarineyso qabashada doorashooyinka oo la filayo inay horseedaan nidaam siyaasadeed cusub oo dalka ka dhaca” ayaa lagu yiri bayaan kasoo baxay Wasaaradda arrimaha dibadda ee Itoobiya.
