Madaxweynaha Dowlad Goboleedka Hirshabeelle Mudane Cali Guudlaawe Xuseen ayaa galabta kulan la qaatay Safiirka Dowladda Ingiriiska ee Soomaaliya Ambassador Kate Foster.
Kulankaan ayaa looga hadlayay Arrimaha Doorashooyinka, ilaalinta qoondada haweenka, Amniga, Beni’aadannimada iyo dhismaha gole yaasha deegaanka.
Madaxweynaha Hirshabeelle ayaa la wadaagay Safiirka Ingiriiska ee Soomaaliya baaxadda dhibaatada ka dhalatay fatahaadaha wabiga Shabeelle, isagoo ugu baaqay in loo gurmado dadkii ka barakacay fatahaadihii ka dhacday Hirshabeelle.
Madaxweynaha dowlad Goboleedka Hirshabeelle Mudane Cali Guudlaawe ayaa Safiirka Dowladda Ingiriiska ka dalbaday taageerada tababarada ciidamada booliiska iyo Daraawiishta si ay ugu filnaadaan amniga guud ee deegaannada Hirshabeelle.
