Xarunta karantiilka Degmada Caabudwaaq ee Hadiya Hospital ayaa maanta la soo gaarsiiyay Mashiinada Neefsiiyaha Dadka qaba Caabuqa COVID -19, oo gaaraya 33 Mashiin, oo taya sare leh isla markaana dabooli kara baahida Caafimaad ee Guud ahaan Degmada iyo Deegaannada kale xilli markale la sheegay in Galmudug lagu arkay kiisas cusub oo la xariira COVID-19.
Jaaliyadda ka soo jeeda deegaanka oo codsi la xariira baahida loo qabo helida qalabkaan horay loogu diray ayaa waxaa si wada jira isku mar oga soo jawaab Jaaliyadaha Waqooyiga Ameerica, Dermank iyo Sweden.
Guddoomiyaha Degmada Mudane Mahad Cumar Cilmi, Wasiirka Wasaaradda Caafimaadka Galmudug Mudane Cabdiwali Maxamed Jaamac, Xildhibaano ka mid ah Baarlamaanka Galmudug, Shaqaalaha Caafimaadka Degmada, Odayaasha Dhaqanka iyo Ugaas Maxmed Ugaas Axmed ayaa goob joog ka ahaa madasha lagu soo bandhigay Qalabkaan ka hor inta aan lagu wareejin Xarunta Karantiilka degmada ee Hadiya Hosbitaal.
Guddoomiyaha Degmada Mahad Cumar Cilmi iyo Xildhibaan Cabdiraxiin Cigaal oo ka tirsan Baarlamaaka Galmudug ayaa ugu horayn ka hadlay goobta waxaana ay oga mahad Cesheen cid kasta oo gacan ka gaysatay Helidda Qalabkaan.
Wasiirka Wasaaradda Caafimaadka Galmudug Mudane Cadiwali Cabdullaahi Jaamac oo Mahad celin ka dib waxa uu ka warbixiyay Helidda Qalabkaan oo uu sheegay in loo keenay 33 qalabka neefsashada.
Gabagabadii ayaa Ugaas Maxamed Ugaas Axmed oo lahaa Gaarsiinta Fariintaan Jaaliyadaha waxaa uu dhankiisa u mahadceliyay Jaaliyadaha Guud ee ku nool Mareykanka ayaa sheegay in ay ka soo jawaabeen codsigeena, waxaana jirta in Jaaliyadda Soomaaliyeed ee ku nool Yurub ay soo dhiibeen kaalmo lacageed oo ay ugu gurmanayaan Walaal ku nool Caabudwaaq.
