Wafdi uu hogaaminayo Guddoomiyaha Shaqaalaha Rayidka ee Dowlada Federaalka Soomaaliya oo ay weheliyaan Gudoomiyaasha Shaqaalaha Rayidka ah ee Dowlada gobaleedyada Dalka iyo Gobalka Banaadir ayaa maanta gaaray magaalada Baydhaba, halkaas oo si wanaagsan lagu soo dhaweeyay.
Wafdiga waxaa Garoonka Diyaaradaha kusoo dhaweeyey Gudoomiyaha Gudigga Shaqaalaha Rayidka ee Koonfur Galbeed iyo xubno kale oo Guddigga ka tirsan .
Maalmaha soo socda ayaa waxaa magaalada Baydhabo ka furmi doona shir sanadkiiba sedax jeer la qabto oo ay yeelanayaan gudiyada shaqaalaha Rayidka ah, kaa oo ay marti gelin doonta Dowlad gobaleedka Koonfur.
Gudoomiyaha Shaqalaha Rayidka Koonfur Galbeed Sharmaake Maxamed Kuulow, oo saxaafada la hadlay ayaa dhamaanba xubnaha ku soo dhaweeyay magaalada Baydhabo.
Gudoomiyaha Shaqaalaha Rayidka Dowladda Soomaaliya Xasan Abshirow, oo ka mahad celinaya soo dhaweynta kadib ayaa sheegay in uu raja weeyn ka qabo shirkan ugu furmaya magaalada Baydhabo ee xarunta ku meel gaarka ah ee Dowlad gobaleedka Koonfur Galbeed.
