Wasiiru Dowlaha Wasaradda Tamarta iyo Biyaha, Madax ka kala socotay Wasaaraddaha Waxbarashadda Gaashaandhigga, Gobolka Banaadir, Rugta Ganacsiga iyo Waalidiin ayaa ka qeyb galay munaasabadan oo u jeedkeedu ahaa dhiirigelinta in ka badan 50 Arday oo ka qalin badalatay xaruunta farsamada gacanta ee Xayle Bariise, kuwaas oo muddo laba sanno ah baranayey qeybaha kala duwan ee Farsamada gacanta sida Korontada, dhismaha iyo makaanikada.
Qaar ka mida mas’uuliyiinta ka qeyb galay munaasabadda ayaa ardayda qalin badalatay oo noqonaya dufcaddii labaad ku booriyay inay farsamada ay barteen ugu shaqeeyaan dalkooda iyo dadkooda.
Maamulaha Xarunta horumarinta Farsamada gacanta ee Xayle Bariise Cabdiraxiin Xayle Bariise ayaa ardayda kula dar daarmay in farsamada ay barteen ugu adeegaan bulshadooda.
Wasiiru dowlaha Wasaaradda Tamarta iyo Biyaha Soomaaliya Shukri Maxamuud Afrax ayaa maamulka Xayle Bariise ku amaantay doorkooda ku aadan horumarinta farsamada gacanta, iyadoo dhinaca kale ku boorisay inay xarumo lagu barto farsamada gacanta ka furtaan gobolada dalka oo dhan.
Gabagabdii mas’uuliyiinta ayaa shahaadooyin iyo qalab farsamo oo dhiirigelina guddoonsiiyay ardayda qalin badalatay.
