Taliyaha Ciidamada Xoogga Dalka Soomaaliyeed General Odawaa Yuusuf Raage, ayaa gaaray magaalada Dhuusamareeb ee xarunta Dowlad gobaleedka Galmudug, xili halkaas Ciidamada Qalabka sida ay ka wadaan hawlgallo lagu sugaya amaanka guud ee Galmudug, laguna cirib tirayo argagixisada.
General Odawaa Yuusuf Raage, taliyaha Ciidanka Xoogga dalka, oo ay wehliyaan Saraakiil ka tirsan Ciidanka Xoogga, ayaa la filayaa in ay la kulmaan Madaxwaynaha Galmudug iyo saraakiisha talisyada kala duwan ee ku sugan Galmudug.
