Xoghayaha joogtada ah ee Xafiiska Ra’iisul Wasaaraha Soomaaliya Dr Maxamed Ibraahim Nuur ayaa maanta guddoomiyay shir ay ka soo qeyb galeen agaasimeyaasha guud ee Wasaaradaha kala duwan ee dalka, kaas oo looga hadlayay dardar gelinta howlaha Wasaaradaha iyo adeegyada ay bulshada u hayaan xilligan uu dalku doorashada ku jiro.
Dr Maxamed Ibraahim Nuur ayaa warbixinno ka dhageystay qaar ka mid ah agaasimeyaaha Wasaaradaha Dowladda, kuwaasi oo ka warbixiyay waxyaabaha u qabsoomay xilligan adag ee lagu guda jiro iyo qorshayaasha horyaalla.
Xoghayaha joogtada ah ee Xafiiska Ra’iisul Wasaaraha Soomaaliya ayaa kula dardaarmay agaasimeyaasha guud ee Wasaaradaha inay dardargeliyaan howlaha horyaalla.
