Magaalada Xuddur ee xarunta gobolka Bakool maanta oo Sabti ah, waxaa lagu qabtay isu soo bax Roob-doon ah iyadoo boqolaal kamid ah shacabka magaaladaas ay salaadda Kusuufka ama Salaad Roob-doon ah ku oogeen banaan weyn oo ku yaala magaaladaas.
Wasaaradda arrimaha Diinta iyo Owqaafta maamulka Koofur Galbeed ayaa iclaamisay in deegaanada maamulkaas lagu oogo Salaadda Roob-doonka si Alle SCW loo weydiisto in raxmaddiis ku soo daaya uunkiisa oo ay dadka ugu muhiimsan yihiin.
Waa markii labaad oo Salaadda Kusuufka lagu oogo magaalada Xuddur tan iyo bilowga xilli roobaadka Dayrta oo aan si fiican uga curan deegaanada Koofur Galbeed gaar ahaan gobolka Bakool.
