Ciidamada dalka hindiya ayaa lix ruux oo looga shakiyey in ay ka tirsan yihiin maleeshiyadka mucaaradka ah ku dilay gobalka Kashmir gaar ahaan dhinaca ay maamusho hindiya.
Sarkaal ka tirsan booliiska hindiya ayaa sheegay in ragga ay dileen ay ka tirsan yihiin urur islaami ah oo saldhigiisu yahay wadanka Pakistan.
Weerarkaasi oo rasaas la isweydaarsaday ayaa waxaa sidoo kale ku dhaawacmay saddex askari oo ka tirsan ciidamada booliiska sida ay sheegtay wakaalada wararka ee AFP.
Ugu yaraan 380 maleeshiyaad ah,ku dhawaad 100 ruux oo rayid ah iyo 80 ka tirsan ciidamada ammaanka ayaa lagu dilay gobalka Kashmir ilaa iyo sannadkii 2019.
Tirada dhimashada ee gobalka ayaa sannadkan gaartay 264 ruux waxaana ay ka yartahay sannadkii 2020 oo gobalka lagu dilay 321 ruux marka la eego warbixin uu saaray machad ka shaqeeyo daraaseynta arimaha argagixisada ee koofurta asia.
Vijay kumar oo ah sarkaal ka tirsan ciidamada booliiska ayaa wargeyska economic times u sheegay in 70 boqolkiiba dhalanyaradda ku biirtay kooxaha maleeshiyaadka ah sannadkan la dilay qaarkoodna la xir xiray.
Hay,adda xuquuqda aadanaha ee human rights watch ayaa horaantii bishan sheegtay in xabsiyadda hindiya loo taxaabay dad badan oo aan dambiyo gelin
Dowladda hindiya ayaa waxaa gobalka Kashmir ee lagu muran san yahay ay gaysay ilaa 500,000 oo askari .
