Wasaaradda howlaha Guud, dib u dhiska iyo guriyeynta dowlad Goboleedka Galmudug ayaa maanta Dhuusamareeb ka Daah furtay qiimeynta iyo tartanka Mashruuca dhismaha wadada laamiga ah ee Kediye oo ka kooban 1-KM, iskuna xiri doonta xaafadaha Dayax iyo Hodan.
Mashruucan oo ay iska kaashanayaan Dowladda Federaalka iyo maamul Goboleedka Galmudug, ayaa qayb ka ah barnaamijka hormarinta Dowlada hoose ee JPLG oo qayb ka ah barnaamijyada ay Soomaaliya ka taageerto qaramada midoobe ayay maanta ku tartameen ilaa 6-company oo qori tuurkooda lagu qabtay xarunta Dowlada Hoose ee Dhuusamareeb.
Yuusuf Xasan Cali- oo u hadley companiyada tartanka u galay dhismaha jidkan laamiga ah ayaa ka rajeeyay dhinacyada ay quseyso in ay u cadaalad sameeyaan kala saaristooda.
Guddoomiyaha Dhuusamareeb Macalin Cabdiraxmaan Geedaqoroow ayaa isna
Wasaaradaha Maaliyadda, arrimaha Gudaha iyo Howlaha guud uga mahad celiyay iskaashigooda hormarinta Magaalooyinka Galmudug, waxa uuna ujeedada daahfurka tartanka ku sheegay in looga gol-leeyahay hubinta tayada mashruucan.
