Guddoomiyaha magaalada Dhuusamareeb ee caasimadda maamulka Galmudug Macalin Cabdiraxmaan Cali Maxamed, oo ay weheliyaan xubno wasiirro ah iyo qaar ka mid ah Bulshada rayidka ayaa ciidanka qalabka sida ee dagaalka kula jira argagixisada ku wareejiyay deeq iskugu jirta xoolo nool iyo raashin kala duwan.
Taliyaha Ururka 6-aad ee kumaandooska GorGor ayaa ka guddoomay madaxda deeqdan ay ugu talo galeen in lagu dhiira geliyo ciidamada si ay u sii laba jibaaraan dagaalka ka dhanka ah maleeshiyada Al-Shabaab ee ka socda deegaanada maamulka Galmudug.
Guddoomiyaha magaalada Dhuusamareeb Macalin Cabdiraxmaan Cali Maxamed oo goobta ka hadlay ayaa ugu baaqay shacabka Galmudug in ay ciidanka ku garab siiyaan sidii looga adkaan lahaa kooxda argagixisada ah ee caadeystay daadinta dhiigga shacabka muslimiinta ah.
