Iyadoo magaalada Boosaaso ay socoto Doorashada 16 kursi oo kamid ah Golaha Shacabka Baarlamanka Jamhuuriyadda Federaalka Soomaaliya ayaa la sheegayaa inay soo dil laatay qaar ka mid ah doorashada kuraastan.
Kursiga tirsigiisu yahay Hop#157 ayaa loo doortay Maxamuud Axmed Aaden (Geesood), halka kursiga Hop#227 dib loogu doortay Xildhibaan Cabdicasiis Maxamed Maxamuud (Qambi).
Sidokale Kursiga#273 ayaa loo doortay Taliyihii hore ee Booliiska Soomaaliya Bashiir Cabdi Maxamed (Ameeriko) halka kursiga Hop#234 loo doortay Marwo Cabdi Bashiir.
Kursiga Hop#076 waxaa Cod gacan taag ah ugu guulaystay Xildhibaan Muuse Axmed Ismaciil oo helay dhamaan 101 Codadka Ergada ka dib markii ay u tanaasushay Faaduma Ibraahim Ismaaciil.
Kursiga sumadiisa tahay Hop#169 ayaa waxa ku tartamay Cali Mahdi Maxamed iyo Xafso Cali Axmed waxaana 97 cod ku guulaystay Xildhibaan Cali Mahdi Maxamed.
Kursiga Hop#083 axaa ku tartamay Maxamed Bashiir Cali iyo Aamino Maxamed Ciise waxaana ku guulaystay Maxamed Bashiir Cali ka dib markii Tartanka ay isaga hartay Aamino Maxamed Ciise.
Kursiga Hop#220 waxaa ku tartamay Musharaxiinta kala ah Cali Xaaji daahir Saleebaan iyo Axmed Burhaan Cumar, 101 Ergo ee Kursigan ayaa dhamaan codka siiyay Cali Xaaji daahir ka dib markii uu ka haray Tartanka murrashax Axmed Burhaan.
Caynaanshe Yusuf Xuseen ayaa ku guulaystay Kursiga tirsigiisu Yahay Hop-222 oo ka mida 16 kursi ee lagu dooranaayo Magaalada Bosaaso.
Sidokale Maxamed Aadan Diini ayaa ku guulaystay Kursiga tirsigiisu Yahay Hop-036oo ka mida 16 kursi ee lagu dooranaayo Magaalada Bosaaso.
Siciid Cali Muuse, ayaa ku guulaystay Kursiga tirsigiisu Yahay Hop-027 oo doorashadiiu ka dhacday Magaalada Bosaaso.
Sadaam Maxamuud Cabdi ayaa ku guulaystay Kursiga tirsigiisu Yahay Hop-158 oo ka mida kuraasta maanta lagu dooranaayo Magaalada Bosaaso.
Ugu danbeeyn Faysal Axmed Maxamuud, ayaa ku guulaystay Kursiga tirsigiisu Yahay Hop-149 oo isagana Magaalada Bosaaso lagu doortay.
