Wasaaradda Caafimaadka iyo Daryeelka Bulshadda ayaa maanta qabatay Munaasabada Xuska Maalinta Caafimaad Afka ee Adduunka 20 March 2022, Wasaaradda Caafimaadka waxa ay dadaal badan ku bixinaysaa in bulshada Soomaaliyeed ay helaan adeegyada Caafimaadka iyo wacyi – galinta ku aadan Xanuunada ku dhaca Afka oo ay lagama maarmaan tahay in laga hir-geliyo dhamaan magaalooyinka dalka.
Xuska Maalinta Caafimaad Afka oo ku beegan 20 March 2022 waxay ay astaan muhiim u tahay xoojinta la tacaalidda Xanuunadda ku dhaca Afka , Waa maalin lagu gorfeeyo dhibaatooyinka waaweyn ee bulshada ka haysta dhanka Xanuunada Afka, iyadoo loo marayo siyaasadaha iyo qorshayaasha u degsan ka hor taga guud ahaan Cudurada halista ee ku dhaca Afka,iyada oo la kaashanaayo hayadaha daneeya la tacaallidda iyo wax ka qabashada Xanuunadaas.
Hal ku dhiga sanadkaan ee Xuska Maalinta Caafimaadka Afka ee Addunka waxa uu diirada saarayaa “ku faan oo muuji qurux iyo Caafimaadka Afkaaga” Wasaaradda Caafimaadku waxay muhiimad gaar ah siin doontaa qodobada kasoo baxay munaasada xuska maalinta Caafimaad Afka Adduunka iyo hirgalinteeda.
Waxaa gacan weyn ka geystay qabsoomida munaasabada Isbitaalka Kalkaal iyo Kalkaal foundation.
