Madaxweynaha Dowlad Goboleedka Jubbaland Mudane Axmed Maxamed Islaam, ayaa dhagax dhigay dhismaha Garoonka diyaaradaha Degmada Ceelwaaq ee Gobolka Gedo oo si casri ah loo dhisi doono.
Madaxweynaha Jubbaland ayaa tilmaamay in ay diyaar yihiin dhismaha golaha deegaanka Degmooyinka Gobolka Gedo, isla markana lagu bilaabi doono Degmada Ceelwaaq, iyadoo ay daba socdaan mashaariicda iyo horumarinta adeegyada bulshada ee guud ahaan Gobolka laga hirgelinayo.
Mudane Axmed Madoobe ayaa uu intaas ku daray inay diyaar la yihiin lacagta dhismaha garoonka diyaaradaha Degmada Ceelwaaq, isla markana dhawaan la xayaysiin doono qandaraaska shirkadda dhisi lahayd garoonka.
