Haweenka Soomaaliyeed ee Siyaasada ku jira ayaa munaasabad soo dhaweyn ah u qabtay Guddoomiye ku xigeenka Koowaad ee Golaha Shacabka Xildhibaan Sacdiyo Xaaji Samatar.
Kulankan oo ay soo abaabushay Wasiirka Wasaaradda Haweenka Xaniifa Xaabsade ayaa waxaa ka soo qeyb galay qaar ka mid ah Xildhibaannada Haweenka ah ee ku jira labada Gole ee BJFS, ururka Haweenka, Guddoomiyaha Guddigga Doorashooyinka Soomaaliyeed iyo inta badan Haweenka u ololeeya Siyaasada dumarka.
Guddoomiyaha Ururka Haweenka Batuule Gabale iyo Guddoomiyaha Guddiga Doorashooyinka Xaliima Ismaaciil ayaa sheegay inay rajeynayaan in Gudoomiye Sacdiyo wax weyn ku soo kordhiso Gudoonka Golaha Shacabka.
Xildhibaan Dahabo Suusow iyo Sentor Samsam ayaa sheegay inay Guddoomiyaha looga baahan yahay ka shaqeynta shuruucda arrimaha Haweenka.
Wasiirka Wasaaradda Haweenka XFS Xaniifa Xaabsade oo kulanka soo xirtay ayaa sheegtay in gabdhaha Baarlamaanka soo galay looga baahan yahay meel marinta sharciyada Haweenka quseeya.
