Ciidanka Kumaandooska Gorgor ee Xoogga Dalka Soomaaliya, Ayaa howlgalo qorsheysan ku burburiyey fariisimo ay nabadiidka Argagixisada Al-Shabaab, ku lahayeen xaafado hoostaga degmada Awdheegle.
Howlgalka waxaa hoggaaminayay Taliyaha guutada 17-aad ee Kumaandooska Gor-gor Gaashaanlle Dhexe Dayax Cabdi Cabdulle.
Ciidanka Kumaadooska Gor-gor, ayaa waxa ay howlgalka ka sameeyay xaafadaha kala ah Shaam-gare,Tawakal iyo Nuucaanaay oo hoostaga dhammaantood degmadda Awdheegle ee Gobolka Shabeellada Hoose.
Waxaa muddooyinkii dambe guud ahaan Shabeelladda hoose ka socday,Beegsashada haraadiga Al-Shabaab.
