Waxaa maanta lasoo gaba-gabeeyay tartan cilmiyeedkii bishii barakeysneed ee Ramadaan ka baxay warbaahinta Qaranka Soomaaliyeed, iyadoo abaal marinadii ay muteysteen la guddoonsiiyey degmooyinkii guuleystay ee soo galay kaalimaha kow ilaa seddax.
Wasiirka Warfaafinta Dhaqanka iyo Dalxiiska XFS Senator Cusmaan Abokor Dubbe, masuuliyiinta warbaahinta Qaranka, masuuliyiin ka socotay Bangiga IBS oo taaba geliyey tartankii Ramadaanka, xubno metelayey degmooyinka guuleystay iyo marti sharaf kale ayaa kasoo qeyb galay munaasabad maanta ka dhacday Hotelka Safaari ee magaalada Muqdisho.
Guuleystayaasha tartan cilmiyeedkii sanadkaan ayaa kala ahaa degmooyinka Buulo-burde oo gashay kaalinta koowaad, Marka oo gashay kalinta labaad iyo Kismaayo oo gashay kaalinta sedaxaad.
Tartamayaasha degmada gashay kaalinta 1-aad ee Buulo-burde ayaa la guddoonsiiyey lacag $1,500 oo dollar ah, tartamayaasha degmada Marka oo gashay kaalinta 2-aad ayaa la guddoonsiiyey $1,000 dollar, halka tartamayaashii degmada Kismasyo oo soo gashay kaalinta 3-aad la guddoonsiiyey lacag dhan $500 oo dollar.
Wasiir Dubbe iyo madaxda Bangigga IBS ayaa maanta ku wareejiyey abaal-marintii ay muteysteen tartamayaashii degmooyinkaas.
Hoos ka eeg sawirradii xafladda abaal-marinta:
