Wasiirka Wasaaradda Ganacsiga iyo Warshadaha XFS Jibriil Cabdirashid Xaaji Cabdi, ayaa maanta kulan la qaatay safiirka Midowga Yurub ee Soomaaliya Amb. Tiina Intelmann oo ay ka wada hadleen horumarinta ganacsiga Soomaaliya iyo sidoo kale samaynta madasha ganacsiga ee Soomaaliya iyo Midowga Yurub si loo abuuro is-dhex-gal ganacsi iyo abuurista fursado maal-gashi oo labada dhinac ah.
Wasiirka oo kulankiisa uu ku wehelinayey Agaasimaha Guud ee Wasaaradda Mudane Cabdicasiis Ibraahim Aadan iyo masโuuliyiin kale, ayaa waxa kale oo laga ga hadlay mashaariicda socda Wasaaradda uu ka taageerayo Midowga Yurub, ku biiritaanka ururka Ganacsiga Aduunka iyo weli ba sidoo kale fududeynta ganacsiga, fududeynta maal-gelinta ee ganacsiyada yar yar, taageeridda ganacsiyada haweenka iyo weli ba sidoo kale hir-gelinta iyo horumarinta hayโadda Tayo-dhowrka Soomaaliyeed ee Qaranka.
Wasiir Jibriil, wuxu Midowga Yurub uga mahadceliyey taageeradooda ku aadan dhismahaha dawladnimada, horumarka iyo amniga Soomaaliya, waxaana uu sheegay in ka Wasaarad ahaan ay ka goโan tahay xoojinta wada-shaqeynta ay la lee yihiin Midowga Yurub si ay iskaga kaashadaan horumarinta ganacsiga, warshadaha iyo guud ahaan dhaqaalaha dalka.
Amb. Tiina Intelmann oo iyadu na halkaas ka hadashay, ayaa u mahad-celiyey Wasiirka iyo madaxda kale ba, waxaana ay balan-qaaday in Midowga Yurub uu diyaar u yahay siddii ay Soomaaliya u la yeelan lahaayeen xidhiidh ganacsi isla-mar-ahaantaana ay ka goโan tahay samaynta madal kulmisa ganacsatada labada dhinac, waxay sidoo kale carabka ku dhufatay inay sii wadi doonaan mashaariicda iyo dedaalada kale ee lagu taageerayo guud ahaan horumarinta iyo dib-u-habaynta ganacsiga Soomaaliya.
