Saraakiisha ciidamada xoreynta deegaanada koonfurta gobolka mudug ayaa sheegay inay sii wadayaan dagaalka gobolka Mudug looga ciribtirayo maleeshiyaadka Al-shabaab
Saraakiishaan oo la hadlay warbaahinta Qaranka soomaliyeed ayaa ugu baaqay horjoogayaasha iyo dhalinyarada ay qaldeen maleeshiyaadka Al- shabaab in ay isku soo dhiibaan ciidamada ayna ka faaidaystaan Baaqii madaxweynaha iyo Saraakiisha ciidamada.
Ciidamada deegaanka iyo Daraawiishta Galmudug ayaa koonfurta gobolka mudug ka bilaabay wajigii labaad dagaalka ka dhankaa maleeshiyaadka Al shabaab.
Horjoogeyaal ka tirsanaa argagixisada Al-Shabaab ayaa markii ay garwaaqsadeen in looga adkaaday duulaanka ka dhanka ah waxay bilaabeen in ay isku soo dhiibaan Ciidanka Xoogga dalka ee ku sugan gobolada Hiiraan iyo Galguduud.
