Wasiirka Wasaaradda Arrimaha Dibadda Soomaaliya Mudane Abshir Cumar Jaamac (Huruse), ayaa maanta ka guddoomay nuqul ka mid ah warqadaha Aqoonsiga Danjirenimo ee Safiirka cusub ee Dalka aan walaalaha nahay ee Imaaraadka Carabta Amb. Ahmed Juma Al Rumaithi.
Sidoo kale, Wasiirka iyo Safiirka cusub, ayaa ka wada hadlay xiriirka iyo saaxiibtinimada ka dhaxeeysa labada dowladood.
Dowladda Imaaraadka Carabta ayaa safiir cusub u soo magacawday Soomaaliya, bilo ka dib markii ay dib u soo celisay xiriirkii diblomaasiyadeed ee ay la lahayd dalka Geeska Afrika.
Imaaraatka Carabta ayaa sheegay in magacaabista ay qeyb ka tahay isku shaandheyn ballaaran oo diblumaasiyadeed oo ka dhacaysa “dalalka saaxiibada ah”.
Kadib doorashadii Madaxweynaha Soomaaliya Xasan Sheekh Maxamuud bishii May, Imaaraadka iyo dowladda Soomaaliya ayaa ku heshiiyay in dib loo soo celiyo xiriirkii diblomaasiyadeed ee sanado badan uu hakad galay.
