Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa maanta kulan is xogwareysi ah la qaatay Agaasinka Guud ee Waxbarashada Gobolka Banaadir.
Kulankan oo ka dhacay xarunta Agaasinka Waxbarashada ee Degmada Xamar Weyne waxaa goob joog ka ahaa kulanka Guddoomiye ku-xigeenka Amniga iyo Siyaasadda Maamulka Gobolka Banaadir Mudane Maxamed Axmed Diiriye (Yabooh), iyada oo looga hadlay dhowr ajando oo ay kamid ahaayeen.
1- Howlaha uu qabto Agaasinka Guud ee Waxbarashada Gobolka Banaadir.
2-baahiya xiligaan taagan iyo sida ugu haboon ee loo xalin karo.
3- Horumarinta adeegyada waxbarashada Caasimadda iyo sidii bulshada gobolka Banaadir ay u heli lahaayeen waxbarasho lacag la’aan ah oo taya leh.
Ugu dambeyn Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa kula dardaarmay Agaasinka Waxbarashada Gobolka Banaadir in ay dardargaliyaan howlaha lagu horumarinayo Waxbarashada Dugsiyada ku yaala Caasimadda.
