Wasiirka arrimaha gudahaTurkiga Suleyman Soylu, ayaa ku dhawaaqay inay bilaabayaan howlgallo isdaba jooga ah oo ay ka sameynayaan gobolada dhaca Koonfur Bari ee dalkaasi, kuwaas oo lagu bartilmaameedsanayo xisbiga Kurdistan (PKK).
Soylu, wuxuu sheegay in hawlgalka ay ka qeey galayaan Ciidamo gaaraya 3,650, oo isugu jira Milatari, Boolis iyo Nabadsugid.
Wasaaradda arrimaha gudaha Turkiga ayaa bishii Janaayo 2021 billowday hawlgallo taxana ah oo lagula dagaallamaya Xisbiga PKK, oo uu Turkigu u aqoonsaday Urur Argagixiso.
Howlgalladan oo loogu magac daray Arin Bulbul oo u dhashay Turkiga, kaasi oo ay dileen mintidiinta PKK 11-kii bishii Ogosto, sanadkii 2017.
