Madaxda Hay’adda Maareynta Musiibooyinka Qaranka oo ugu horeeyo Guddoomiyaha Hay’adda Mudane Maxamuud Macalin Cabdulle iyo Guddoomiye ku-xigeenka Mudane Dr Axmed Cabdi Aadan, ayaa kulan la qaatay Wasiirradda Wasaaradaha gargaarka iyo maareynta musiibooyinka ee Dowlad Gobaleedyada iyo Gobalka Banaadir.
Kulanka oo ka dhacay xarunta dhexe ee Hay’adda maareynta musiibooyinka Qaranka, ayaa waxaa looga hadlay ajandaha shirka Madasha Arrimaha Bini’aaddanimada ee maalinta barri ah ka furmi doono magaalada Muqdisho.
Shirkaas oo la filaalo inay kasoo qeybgalaan Madaxda hay’adaha deeqda bixiyaan iyo mas’uuliyiin ka socda dowladda Federaalka iyo maamul gobaleedyada,ayaa lagu wadaan in looga hadlo arrimaha gargaarka dadka tabaalaysan,siddii dhammaan dadka Barakacayaasha ah loo gaarsiin lahaa waxyaabaha ay u baahan yihiin oo nolasha aas aasi u ah.
