Taliyaha Ciidanka Booliska Soomaaliyeed Sareeye Guuto Sulub Axmed Firin, ayaa maanta shir la qaatay Taliyeyaasha Booliska, Qaybta Guud ee Gobolka Banaadir, Qaybaha, Saldhigyada Degmooyinka Gobolka Banaadir iyo Fadhiyada Madaxa Bannaan ee Ciidanka Booliska Soomaaliyeed, shirkaas oo looga hadlayey adkaynta amniga guud ee Dalka iyo si gaar ah amniga caasimadda Muqdisho.
Taliyaha, ayaa Saraakhiisa Ciidanka Booliska faray in si weyn looga hortago falalka liddiga ku ah amniga, lagana feejignaado dhagaraha ay Khawaarijta Arxanlaaweyaasha ahi u soo maleegayaan shacabka Soomaaliyeed.
Sidoo kale Talayiha Ciidanka Booliska,ayaa amray ciidamadda inay labo jibbaaraan dadaallada lagu sugayo amniga caasimadda Muqdisho.
Taliyaha Ciidanka Booliska Soomaaliyed Sareeya Guuto General Sulub Axmed Firin ayaa Taliska Qeybta Guud ee Booliska Gobolka Banaadir kulan kula qaatay Taliyaasha Qeybaha iyo Kuwa Saldhigyada ee Gobolka Banaadir.
Shirkaan oo looga hadlayey adkaynta Ammniga guud ee dalka gaar ah Amniga Magaalada Caasimadda ah ee Muqdisho ayaa Taliyaha Qeybta Guud ee Booliska Gobolka Banaadir Gaashaanle Sare Mahdi Cumar Mumin waxa uu warbixin ka siiyay Taliyaha Ciidanka Booliska Soomaaliyed Gen Sulub howlaha Shaqo ee Taliska Qeybta Guud.
Taliye Mahdi, ayaana xusay in lasii labo jibaaray Howlgalada ka dhanka ah kuwa Argagaxisada ah ee isku daya in ay qalqal-galiyeen Ammniga Bulshada Caasimada iyo Kuwa kale ee iskuugu jira Burcada hubaysan iyo Ciyaal-weerada intaba.
Taliyaha Ciidanka Booliska General Sulub Axmed Firin ayaana ugu danbeen Taliska Qeybta Guud ee Booliska Gobolka Banaadir uga Mahadceliyay shaqada baxda leh ay u hayaan Bulshada Soomaliyeed, isaga oona Saraakhiisa Ciidanka Booliska faray in si weyn looga hortago falalka liddiga ku ah amniga, lagana feejignaado dhagaraha ay Khawaarijta, sidookalana la labo jibbaaro dadaallada lagu sugayo amniga caasimadda Muqdisho.
