Kalfadhigii maanta ay yeesheen golaha Aqalka sare ee Baarlamaanka Jamhuuriyadda Federaalka Soomaaliya, ayaa lagu ansixiyay hindise sharciyeedka hay’adda nabad sugidda iyo sirdoonka Qaranka.
kulanka oo uu shir guddoominayay guddoomiye ku xigeenka koobaad ee golaha Aqalka sare, Senatar, Cali Shacbaan Ibraahim ayaa waxaa soo xaadiray 35 xubnood, iyadoo 31 ka mid ahna ay u codeeyeen ansixinta xeerkan.
Sidoo kale waxaa diiday saddex xubnood, halka uu hal xubina ay ka aamustay.
Wasiirudowlaha wasaaradda Amniga , Maxamed Cali Xagaa, ayaa golaha uga mahadceliyay meel marinta hindise sharciyeedka hay’adda, sidoo kale waxaa isna dhankiisa golaha Aqalka sare ee Baarlamaanka Jamhuuriyadda Federaalka Soomaaliya, u mahadceliyay Agaasimaha guud ee hay’adda nabad sugidda iyo sirdoonka Qaranka, Mahad Maxamed Salaad
