Wasiirka Wasaaradda Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya, Mudane Xildhibaan Maxamuud Cabdiraxmaan Sheekh Faarax Beenebeene,ayaa hadda daah furay Shir weynaha Xalka Waara ee heer Qaran, halku-dhigiisuna yahay Tayeynta iyo isku-dubaridka wax ka qabashada barakaca, iyadoo loo marayo xal hormarineed, shirka oo mudo labo cisho ah ka socon doona Magaaladda Muqdisho.
Shir weynaha Xalka waara ee Heer Qaran waxaa kaso qeyb galay Wasiiro iyo Xildhibaano ka tirsan Dowaldda Fedaraalka Soomaaliya iyo Saaxibada Soomaaliya ka taageero Mashaariicda Hormarinta’
Shirka inta uu socdo waxa looga hadlay Xaalada abaaraha ka jiro Soomaaliya Xiligaan iyo Xal u helidda Sadka barakacayaasha ah ee saameeyeen abaaraha iyo dagaalada khawaarijta lagu jiro ee ka socda dalka.
Wasiirka Qorsheynta Maalgashiga iyo Horumarinta Dhaqaalaha Xukuumadda Federaalka Soomaaliya Mohamud Abdirahman Beenebeene oo ka hadlay madasha ayaa sheegay in Soomaaliya ay tahay Meesha ugu badan ee ku nool yihiin Barakacayaasha, isagoona sheegay in Dowaldda Soomaaliya ay ka go’an tahay xal u helida Dadka soomaaliyeed ee Barakacayaasha ah.
Wasiirka waxa uu sido kale sheegay in ku dhawaad 3 malyann oo qof ay gaarayaan Dad barakacayaasha ah ee ku nool Soomaaliya,kuwaasi oo u baahan in laga caawiyo Waxbarashada Caafimaadka iyo In dib u dajin loo sameeeyo.
