Wasiirka Wasaaradda cadaaladda iyo Arrimaha dastuurka Mudane Xassan Macalin Maxamuud oo ay wehliyaan Wasiiru-dawlaha Marwo Mumino Sheikh, wasiir kuxigeenka Mudane axmed Cabdiraxmaan, iyo xoghayaha joogtada ah, ayaa shir muhiim ah kula qaatay xarunta Wasaaradda Caddaaladda Guddiga madaxa bannaan ee dib-u-eegista iyo hirgelinta dastuurka KMG.
Kullanka,ayaa lagula dar daarmay xubnaha guddiga in markii ay soo ansixiyaan golaha Aqalka Sare ka dibna uu Madaxweynaha Jamhuuriyadda Federaalka Soomaaliya saxiixo ay dar-dargaliyaan arrimaha dib u eegista dastuurka iyo dhamaystirkiisa, ayna muujiyaan dedaal ku dhisan howlkarnimo iyo gudasho waajibaad Qaran,iyagoo u madax bannaan howlahooda shaqo.
Guddiga dib-u-eegista Dastuurka KMG oo ay shalay cod aqlabiyad leh ku ansixiyeen Baarlamaanka Jamhuuriyadda Federaalka Soomaaliya,ayaa horyaalo shaqo culus.
