Wasiirka ganacsiga iyo warshadaha dowladda Federaalka Soomaaliya,ayaa maanta magaalada Dhuusamareeb ka furay shir looga hadlayo hirgalinta hannaanka casriga ah ee diiwaangalinta ganacsiga, kaas oo ay ka qeybgaleen Wasiirada ganacsiga dowlad goboleedyada iyo gobolka Banaadir.
Shirka oo socon doona muddo 4-maalmood ah, ayaa waxaa furay Wasiirka ganacsiga iyo warshadaha Dowladda Federaalka Soomaaliya, iyadoo ay ka qaybgalayaan wasiirada ganacsiga dowlad goboleedyada dalka, wakiilo ka socda gobolka Banaadir iyo lataliyaal iyo hawlwadeeno kale, waxaana diiradda lagu saarayaa sidii loo hirgalin lahaa hanaanka casriga ah ee diiwaangalinta ganacsiyada dalk.
Related posts
Wasiirka ganacsiga dowlad goboleedka Galmudug ayaa martida shirka ka qeybglaysa ku soo dhaweeyey Dhuusamareeb, isagoo ku dhiiri galiyey in si daah furan looga doodo ajandayaasha shirka.
Wasiirka ganacsiga iyo warshadaha dowladda FS mudane Jibriil Cabdirashiid, ayaa xusay in hanaankan cusub oo internetka ku shaqeeya uu kor u qaadayo dhaqaalaha dalka iyo dakhliga dowladda, sidoo kalena uu ka hortagayo in shirkaduhu ay ka labaxaan magacyo isku eg.
Wasiirka ganacsiga Koofur Galbeed Cabdulaahi Cabdi maxamed, wasiirka ganacsiga Jubaland Cabdiwahaab Axmed Cismaan, wasiirka ganacsiga Hirshabeelle Feysal Axmed Xasan, ayaa soo dhaweeyey hanaankan cusub oo sahlaya in si fudud dowladdu ugu adeegto ganacsada dalka.
