Xafiiska ergayga gaarka ah ee muhaajiriinta iyo xuquuqda carruurta ee dowladda Soomaaliya, wasaaradda arrimaha dibedda iyo heyโadda IOM, ayaa maanta garoonka Aadan Cadde ku soo dhoweyay 11-dhallinyaro Soomaaliyeed ah oo laga soo saaray xabsiyada dalka Libya.
Ergayga gaarka ah ee muhaajiriinta iyo xuquuqda carruurta ee dowladda Soomaaliya Maryan Yaasiin Xaaji Yuusuf oo ka hadashay soo dhoweynta dhalinyaradaan Soomaaaliyeed ee dalka dib loogu soo celiay, ayaa sheegtay in xafiiska uu ka shaqeeyn doonno soo celinta dadka muhaajiriinta ee ku xiran xabsiyada caalamka.
Related posts
Maryan ayaa tilmaamtay in soo deysmada dhalinyaradaan iska kaashadeen safarada Soomaaliya ee Libya iyo Wasaaradda arrimaha dibada Soomaaliya,Madaxweynaha Jamhuuriyadda Federaalka Soomaaliya Mudane Xasan Sheekh ayay sidoo kale uga mahadcalisay kaalinta uu ku lahaa soo celinta Muwaadiniintaaan Soomaaaliyeed oo mudda ku dhibateeysnaa dalkaasi.
Ibraahim Guure Maxamed oo kamid ah mas’uuliyiinta Wasaaradda arrimaha dibada Soomaaliya oo dhankiisa hadlay, ayaa u mahadceliyay dadkii ka soo shaqeeyay in dhalinyaradaan dalkooda dib loogu soo celiyo,dowladna ay ka shaqeeyn doonto sidii loo bad-baadin lahaa oo dalkooda dib loogu soo celin lahaa dhalinta Soomaaliyeed ee xabsiyada wadamada caalamka ku xiran.
Qaar kamid ah dhalinyarada oo la hadlay warbaahinta Qaranka,ayaa ka shekeeyay dhibaatada ay mudda dheer ku heysatay xabsiyada dalka liibya,iyagoona u mahadceliyay dowladda iyo dhammaan dadkii qeybta ka ahaa in dalka dib loogu soo celiyo.
Dhowr jeer ayay dowladda Soomaaliya waxa ay dalkaย sidaan oo kale dib u keentay dhalinyaro badan oo ku dhibaateysnaa xabsiyada wadamada Caalamka.
