Allaha u naxariistee Xildhibaan Shukri Saalax Cabdullahi oo ka tirsanaa baarlamaanka dowlad goboleedka Jubbaland ayaa saakay ku geeriyooday magaalada Kismaayo
Xildhibaanka ayaa xanuunsanaa maalmihii lasoo dhaafay, waxaana geeridiisa ka tacsiyeeyey Madaxweynaha dowlad goboledka Jubbaland Axmed Maxamed Islaam iyo guddoonka iyo xildhibaanada Baarlamaanka dowlad goboleedka jubbaland.
Madaxweynaha ayaa guud ahaan shacabka reer Jubbaland, Xildhibaanada golaha wakiilada, qoyskii iyo qaraabadii uu ka baxay uga tacsiyeeyay geerida naxdinta leh ee ku timid Alle ha u naxariistee Xildhibaan Shukri Saalax Cabdullahi oo ku geeriyooday Magaalada Kismaayo.
Madaxweynaha ayaa si gaar ah tacsi ugu diray qoyskii, qaraabadii iyo Saxiibadii uu ka baxay maruuxmku isagoo alle uga baryay in uu naxariistii janno ka waraabiyo marxuumka.
