Hantidhawraha Guud ee Qaranka Abuukaate Axmed Ciise Guutaale ayaa maanta kulan fogaan-arag ah la qaatay maamulka sare ee ururka hey’adaha Hantidhawrada guud ee Afrika (AFROSAI-E).
Kulanka ayaa waxaa looga wadahadlay iskaashiga ka dhexeeya xafiiska Hantidhawrka Guud ee Qaranka iyo ururka AFROSAI-E iyo shaqooyinka wadaagga ah ee dhinacyada horumarinta, isla-xisaabtanka iyo daahfurnaanta hay’adaha dowliga ah.
Xafiiska Hantidhawrka Guud ee Qaranka waxaa uu xubin firfircoon ka yahay Ururka AFROSAI-E isagoo door muuqda ka ciyaara hindiseyaasha kobcinta xirfadda iyo aqoon-iswaydaarsiga ee uu ururku taabbagaliyo.
